Ռադիոլուր

Արեւմտահայերէն լուրեր Նոյեմբերի 20, 2020

Լեռնային Ղարաբաղի մէջ զէնքերը լռեցին: Այժմ կ՛աշխատինք ժառանգութեան եւ մշակութային զինադադարի շուրջ, Հայաստանի, Ատրպէյճանի, Մինսքի խումբի մեր գործընկերներուն հետ միասին պահպանելու ամբողջ տարածաշրջանի գանձերը։ Գրած է Ֆրանսայի նախագահ Էմանուէլ Մաքրոն։

Իտալիսյ Պիզա քաղաքը ճանչցաւ Արցախի Հանրապետութեան անկախութիւնը,- կը տեղեկանանք Իտալիոյ մէջ ՀՀ դեսպանատունէն։ Պիզայի քաղաքային խորհուրդը խստօրէն դատապարտած է Լեռնային Ղարաբաղի դէմ պատերազմը , հայ ժողովուրդին համերաշխութիւն մաղթած։

Արդէն Իտալիոյ շարք մը քաղաքներն ու համայնքները ճանչցած են Արցախի Հանրապետութեան անկախութիւնը։ Այս պատերազմին պարտուեցանք բոլորս, սակայն յաղթեցին հայ զինուորն ու հայկական սփիւռքը:

Պայքարը կը շարունակուի, եւ մենք միասին ահռելի շատ ընելիքներ ունինք: գրած է սփիւռքի գլխաւոր յանձնակատար Զարեհ Սինանեան։ Պատերազմի դաժան օրերուն, երբ աշխարհը լքեց Հայաստանը Թուրքիոյ և Ատրպէճանի ռազմական պատերազմին դէմ, սփիւռքը մնաց Հայաստանի միակ պատուհանը դէպի արտաքին աշխարհ, միակ կապը մարդկութեան հետ, միակ յոյսը և հաւատքի ակունքը․ Զարեհ Սինանեան։

Ցուցադրել ավելի
Back to top button