Ռադիոլուր

Արեւմտահայերէն լուրեր Նոյեմբերի 18, 2020

Հայաստանի Հանրապետութեան վարչապետ Նիկոլ Փաշինեան ներկայացուցած է երկրին մէջ ստեղծուած վիճակը յաղթահարելու ուղիները: Դիմատետրի էջին ՀՀ վարչապետը գրած է, որ ինքզինք կը համարէ ստեղծուած իրավիճակը յաղթահարելու եւ երկրին մէջ կայունութիւն եւ անվտանգութիւն հաստատելու հիմնական պատասխանատուն:

Ըստ վարչապետին յառաջիկային ամենակարեւոր ընելիքներու ճանապարհային քարտէզը կը բաղկանայ 15 կէտերէ, որոնք պետք է իրագործուին 6 ամսուան ընթցաքին։ Այս ճանապարհային քարտէզի իրագործման համար կառավարութեան կազմին մէջ փոփոխութիւններ կ՛իրականացուին։

Ռուսաստանի, Ամերիկայի և Ֆրանսայի դիւանագէտները այսօր Մոսկուայի մէջ կը քննարկեն Լեռնային Ղարաբաղի շուրջ ստեղծուած իրավիճակը: Այս մասին հայտնեց ՌԴ ԱԳՆ պաշտօնական ներկայացուցիչ Մարիա Զախարովան։

Նախապէս Ֆրանսայի ԱԳ նախարար Ժան-Իվ Լէ Տրիան հայտնած էր, որ նոյեմբեր 18-ին Մոսկուայի մէջ դիւանագէտներու մասնակցութեամբ կը կայանայ հանդիպում Լեռնային Ղարաբաղի հակամարտութեան կարգաւորման հարցով:

Ցուցադրել ավելի
Back to top button