Երևանը դիմել է Ռուսաստանի Դաշնությանը երկկողմ համաձայնագրերի շրջանակներում անվտանգության հարցերով խորհրդատվություն ստանալու համար, ՀԱՊԿ-ի ներգրավման մասին խոսք չկա: Այս մասին ՌԻԱ Նովոստիին ասել է ՌԴ-ում ՀՀ դեսպան Վարդան Տողանյանը:
«Խոսքը Ռուսաստանի Դաշնության նախագահին ուղղված դիմումի մասին է՝ ելնելով մեր երկկողմ համաձայնագրից», — ասել է դեսպանը ՝ պատասխանելով այն հարցին, թե Երևանի կոչը ՀԱՊԿ-ին վերաբերո՞ւմ է, թե՞ դա երկկողմ ձևաչափ է:
Հավաքական անվտանգության պայմանագրի կազմակերպությունից ՌԻԱ Նովոստիին հաստատել են, որ Երեւանը իրենց չի դիմել:
«Այս պահին ՀԱՊԿ քարտուղարությունը հայկական կողմից որևէ դիմում չի ստացել», — ասել է ՀԱՊԿ մամուլի քարտուղար Վլադիմիր Զայնետդինովը:
Ավելի վաղ ՀՀ վարչապետ Նիկոլ Փաշինյանը նամակով դիմել էր ՌԴ նախագահին՝ անվտանգության ապահովման գործում Հայաստանի օժանդակության հարցով խորհրդատվություններ սկսելու համար: