ԿարևորՌադիոլուր

Արեւմտահայերէն լուրեր Հոկտեմբերի 16, 2020

Հայաստանի Հանրապետութեան պաշտպանութեան նախարարութեան ներկայացուցիչ Արծրուն Յովհաննիսեան յայտնեց, թէ Արցախի հիւսիսային ուղղութեամբ ազերի վոհմակներուն այսօր՝ ուրբաթ առաւօտեան յարձակումը յետ մղուած է: Թշնամին ունի մեծ կորուստներ:

«Առտու կանուխ, թշնամին մօտ մէկ ժամ ռմբակոծելէ ետք, լայնածաւալ յարձակում սկսաւ Արցախի հիւսիսային սահմանագիծերուն ուղղութեամբ: Թշնամին մէկ քանի անգամ յարձակումի ալիքներով փորձեց գրաւել մեր դիրքերը, սակայն հայ ռազմիկներու քաջութեան եւ հմտութեան շնորհիւ յետ մղուեցաւ, կրելով զգալի կորուստներ»,-ըսաւ Յովհաննիսեան: Ատրպէյճան կը շարունակէ կրակի տակ պահել Արցախի խաղաղ բնակավայրերը, խախտելով միջազգային պայմանագրի բոլոր դրոյթները։

Ցուցադրել ավելի
Back to top button