«Կոլեկտիվ մեծ բազար» երաժշտական խմբի համահիմնադիր Սևանա Չագրեանն ավարտել է Սորբոնի համալսարանն ու տեղափոխվել պապերի երկիր՝ փոխելու ու զարգացնելու Հայաստանը:
Պարսկահայի ու լիբանանահայի ընտանիքում ծնված Սևանա Չագրեանի մանկությունն ու պատանեկությունն անցել է Փարիզում:
Ամենօրյա դպրոցը ֆրանսիական էր, իսկ շաբաթ օրերին նա հաճախում էր զարգացման կենտրոն, որտեղ սովորեց շվի նվագել:
Հայաստան հերթական այցի ժամանակ Վերնիսաժում զբոսնելիս ակորդեոն տեսավ ու որոշեց՝ ինչ գնով էլ լինի սովորել նվագել:
Այժմ Սևանային խմբի երկրպագուներն առանց ակորդեոնի չեն պատկերացնում: