ԿարևորՀասարակություն
Ֆրանսիան Արցախի կողքին․ բժիշկների խումբը ժամանել է Հայաստան
Այսօր Հայաստան է ժամանել ֆրանսիացի բժիշկների խումբը։ Նրանք կմեկնեն Արցախ՝ օգնելու Ադրբեջանի կողմից սանձազերծած պատերազմի արդյունքում վիրավորում ստացած զինծառայողներին և խաղաղ բնակիչներին։
Բժիշկների խումբն աշխատել է տարբեր ռազմական գոտիներում և հումանիտար առաքելության մեծ փորձ ունի։
Վերջիններս իրենց հետ բերել են նաև անհրաժեշտ դեղորայք և սարքավորումներ։
Բժիշկների այցը նախաձեռնել են սիրտ-անոթային վիրաբույժ՝ Լևոն Խաչատրյանը, ինչպես նաև «Աննա Կարոլինա» և «Շահբազյան» հոլդինգները։
Բժիշկների պատվիրակության խմբում են․
- Լևոն Խաչատրյան – սիրտ-անոթային վիրաբույժ,
- Ան Մարի Բերժե — վիրաբույժ,
- Պատրիկ Կնիպեր — ռեկունստրուկտիվ վիրաբույժ,
- Պիեր Ժիրար — վիրաբույժ-վնասվածքաբան,
- Միքայել Չափարյան — վիրաբույժ-վնասվածքաբան,
- Մարի-Լիս Պետի – բժշկի օգնական