ԿարևորՀասարակություն

Պաշտպանության բանակն այսօր բարելավել է իր դիրքերը․ Արայիկ Հարությունյան

ԱՀ նախագահ Արայիկ Հարույթունյանը ֆեյսբուքի իր էջում հայտնում է, որ դեռ գտնվում է առաջնագծում՝ շարունակելով իրականացնել նաև Հանրապետության օպերատիվ կառավարումը։

Ըստ Հարությունյանի՝ Պաշտպանության բանակն այսօր բարելավել է իր դիրքերը և հող նախապատրաստել հետագա առաջխաղացման համար։

«Սիրելի՛ հայրենակիցներ

Շարունակում եմ մնալ առաջնագծում և կանգնել մեր հերոս տղաների կողքին: Նրանք մեծ սխրանքներ են կատարում Հայրենիքի ու բոլորիս ընտանիքների պաշտպանության ապահովման ճանապարհին:

Զուգահեռաբար իրականացնում եմ Հանրապետության օպերատիվ կառավարումը՝ ներդրված համապատասխան մեխանիզմների միջոցով:

Ծանր մարտերից հետո Պաշտպանության բանակն այսօր բարելավել է իր դիրքերը և հող նախապատրաստել հետագա առաջխաղացման համար:

Նեղն ընկնելով առաջնագծում՝ Ադրբեջանը սկսել է ավելի ուժգին հարվածներ հասցնել մեր խաղաղ բնակավայրերին՝ նաև հեռահար հրթիռների կիրառմամբ:

Այդ ռազմական հանցագործությունները ստանալու են իրենց համարժեք պատասխանները, և այս առումով վերջին անգամ ենք զգուշացնում Ադրբեջանի իշխանություններին…

Հաղթելու և պատժելու ենք մեր գոյությանը սպառնացող հանցագործներին»,- գրել է ԱՀ նախագահ Հարությունյանը:

Back to top button