Ժամանակակից Սփյուռքը շատ հարափոփոխ է։ Այն ճանաչելու լավագույն հնարավորություններից մեկն ընձեռում են տեղական ԶԼՄ-ները։
Ժամանակի ընթացքում ոչ միշտ, սակայն հանդիպում են լրատվականից ավելի ընդգրկուն բովանդակությամբ գործունեություն ծավալող մեդիա հարթակներ։
Նման կառույցները մերօրյա Սփյուռքում հաճախ չեն հանդիպում։ Ուստի, կրկնակի հետաքրքիր է դառնում նման կառույց արձանագրել Սփյուռքի պայմանականորեն նոր հատված համարվող Ռուսաստանում։
Ո՞րն է Կրասնոդարի «Հայք» մեդիայի առաքելությունը։ Ի՞նչ գործունեություն է ծավալում։ Որո՞նք են կառույցի թիրախային մարտահրավերները։
«Հայք» մեդիան ռուսալեզու հայկական Սփյուռքի դիմապատկեր» թեմայի շուրջ բարձրացված հարցերի քննարկում Կրասնոդարից «Հայք» կինոընկերության պրոդյուսեր Գայանե Կարապետյանի և «Ռադիո Հայք»-ի պրոդյուսեր Տիգրան Հովհաննիսյանի հետ։