Տեխնոլոգիական ռենեսանս. այդպես է անվանում իր նկարելու ոճը երիտասարդ նկարիչ Տիգրան Ձիթողցյանը:
Վստահ է. տեխնոլոգիաներն ամբողջովին մուտք են գործել մեր կյանքի բոլոր ոլորտներ: Նրա գործերում սոցիալական խնդիրների վեր հանումն է նկարչության միջոցով:
Նյու Յորքում հաստատված նկարիչն իր արվեստանոցն ունի, որտեղ նկարում է ոչ միայն անհայտ ու հայտնի մարդկանց՝ տարբերություն սակայն երբեք չդնելով, անգամ խոստովանում է, որ հայտնիներին նկարելն այնքան էլ իր սրտով չէ:
