Մեծ ու անուրանալի է Երևանի պարարվեստի ուսումնարանի (այժմ` Երևանի պարարվեստի պետական քոլեջի) դերը Հայաստանում ազգային բալետային արվեստի զարգացման գործում:
1924 թվականից Խորհրդային Հայաստանի լուսավորության նարկոմ Ասքանազ Մռավյանի հրավերով Թբիլիսիից Երևան է ժամանում պարարվեստի մեծ գիտակ Վահրամ Արիստակեսյանը, որի անմիջական նախաձեռնությամբ էլ սկսվում են հայկական բալետի առաջին քայլերը: