«Դատավարական նման հանգուցալուծում, իհարկե, պատկերացնում էինք, մեղադրական նման ելքը մեզ համար սպասելի էր»,–«Ռադիոլուրի հյուրասրահ»–ում ասել է «Սասնա ծռեր» համահայկական կուսակցության քարտուղարության համակարգող Վարուժան Ավետիսյանը՝ անդրադառնալով «Սասնա ծռերի» գործով մեղադրող դատախազների օգոստոսի 12-ի մեղադարական ճառին։
Դատախազները դատարանին միջնորդել են «Սասնա ծռերի» 9 անդամներին ազատազրկել տարբեր պատժաչափերով․ առաջարկվող նվազազագույն ժամկետը 8 տարի 6 ամիսն է, առավելագույնը՝ ցմահ ազատազրկումը, որը որպես պատիժ առաջարկվել է նշանակել Սմբատ Բարսեղյանի նկատմամբ։
Վարուժան Ավետիսյանն ասում է, որ պետք էր իրավական գործընթացներ տեղի ունենար։
«Ապստամբության հանգմանքը պետք է ճանաչվեր ու իրավաքաղաքական գնահատական տրվեր անցյալին։ Բայց այս իշխանությունը ձուլվել է նախկինի հետ՝ դառնալով նրա իրավահաջորդը»,–ասում է Ավետիսյանը։
