Հիվանդության պատճառով կյանքից հեռացել է բժշկական գիտությունների դոկտոր, վիրաբույժ, բազմաթիվ բժշկական աշխատությունների հեղինակ, սիրիահայ բժիշկ Ջանի Հադաթը: «Արեւելք»-ի տեղեկություններով՝ Ջանի Հադաթը մահացել է կորոնավիրուսից։
Ըստ լրատվամիջոցի մինչ այս պահը, Հալեպում 55 բժկական ոլորտի աշխատակից է մահացել։ Նրանց թվում է նաև սիրիահայ բժիշկ Ջանի Հադաթը։
«Գյումրի» բժշկական կենտրոնը հայտնում է, որ Ջանի Հադաթը 1988 թվականից իր բժշկական թիմով բարեգործական վիրահատություններ է կազմակերպել Գյումրիում և Հայաստանի ու Արցախի բժշկական կենտրոններում՝ առողջապահության նախարարության թույլտվությամբ։
Ջանի Հադաթը շուրջ 40 բարեգործական ծրագիր է իրականացրել, որոնց մեծ մասը՝ Գյումրու բժշկական կենտրոնում: Դրանց արդյունքում հնարավոր է եղել փրկել տասնյակ կյանքեր։
