ԿարևորՀասարակություն

Նախատեսվեց կորոնավիրուսից առաջ, կառուցվեց կորոնավիրուսի ընթացքում, կբացվի կորոնավիրուսից հետո

«Կառուցվում է քաղաքային պուրակ, հանգստյան գոտի, որի մեջ նախատեսված է նաև մարզաառողջարանային համալիր»։

Շինաշխատանքների տեխհսկիչ Սամվել Ավետիսյանը նախագիծը ձեռքին պատմում  է Կապանում կառուցվող հանգստի գոտու մասին, որը և մեծությամբ, և մատուցվելիք ծառայություններով զգալիորեն կգերազանցի կառուցվածքները։

 «Դահլիճներ, հանգստյան սենյակներ, սաունաներ, բուժսենյակներ, նաև լինելու է կաթսայատուն։ Բացօթյա սրճարանով, շատրվաններով, մեքենաների կայանատեղիներով. ամբողջ այդ տարածքը, որը կազմում է 17 հազար 645 քառակուսի մետր, ամբողջությամբ պետք է բարեկարգվի, կանաչապատվի և ծառայի որպես հանգստյան գոտի։ Դահլիճներ, հանգստյան սենյակներ, սաունաներ, բուժսենյակներ, նաև լինելու է կաթսայատուն»,- ասում է Սամվել Ավետիսյանը։

Կլինեն նաև մարզահամալիրներ, լողավազաններ՝ մեծերի ու փոքրերի համար։ Նշենք, որ նախկինում այստեղ Բաղաբերդի լիճն է եղել։ 10 տարի առաջ որոշեցին բնակելի շենքեր կառուցել տեղը, սակայն եղան տեխնիկական ու ֆինանսական խնդիրներ, նշում է Կապանի համայնքապետ Գևորգ Փարսյանը։

«Նախատեսված ֆինանսական միջոցներից բացի լրացուցիչ լուրջ ծախսեր էր ենթադրվում, դա իմ իմացած ինֆորմացիայով կապված էր հենց հիմքերում  ջրի  առկայությունով։ Այսինքն՝ ջրահեռացման խնդիրը և ջրամեկուսացման աշխատանքները լուրջ խնդիրներ էին առաջացնում»,- նշում է Փարսյանը։

Կապանի համայնքապետարանի հետ համատեղ նախագիծը իրականացնում է ԵՊՀ-ի շրջանավարտների միավորումը։ Համայնքապետ Գևորգ Փարսյանը համոզված է, ծրագիրը կծառայի իր նպատակին։

 «Իրականում աննախադեպ ծրագիր է Կապան համայնքի համար, որովհետև մոտ միլիարդ 700 միլիոնի ներդրում  է իրականացվում»,- ասում է համայնքապետը։

Հանգստյան գոտու շինաշխատանքների մեկնարկը տրվեց, երբ կրոնավիրուսը դեռ նոր էր, բուն աշխատանքներն սկսեցին, երբ կորոնավիրուս էր, հուսով են, որ կբացվի, երբ կորոնավիրուսն այլևս չի լինի։

Ցուցադրել ավելի
Back to top button
Close