Դպրոցում նա հավասարապես սիրել և պարտաճանաչությամբ սովորել է բոլոր առարկաները, սակայն, ի սկզբանե գիտեր, որ ընտրելու է կենսաբանությունը:
Մասնագիտությամբ բույսերի բժիշկ է՝ ֆիտոպաթոլոգ: 3-րդ կուրսում, երբ արդեն գրում էր բակալավրի թեզը, սկսել է աշխատել ՀՀ ԳԱԱ Աբովյանի Միկրոբիոլոգիայի և Մանրէների ավանդադրման կենտրոնում, որտեղից էլ սկսվել է գիտական գործունեությունը:
Նա հեղինակ ու համահեղինակ է 30 գիտական հոդվածի և մեկ գրքի գլխի: Մասնակցել է մի շարք միջազգային գիտաժողովների, մի շարք միջազգային մանրէաբանական ընկերությունների անդամ է, ինչպես նաև ստացել է «Գերազանցության» վկայագիր Եվրոպական հանձնաժողովի կողմից՝ «Հորիզոն 2020»-ի շրջանակներում ներկայացված BioTecReM ծրագրի համար:
