ԿարևորՀասարակություն

Ստուգայց` Գառնու տաճարի և Քարերի սիմֆոնիա հուշարձանի հարակից տարածքներում

Բացօթյա հանգստի գոտիներում պարետատան սահմանած կանոնների նկատմամբ վերահսկողական միջոցառումները ՀՀ բնապահպանության և ընդերքի տեսչական մարմնի տեսուչները ՀՀ ոստիկանության աշխատակիցների հետ համատեղ այսօր՝ վաղ առավոտից, իրականացրել են ՀՀ Կոտայքի մարզում։

Այս մասին տեղեկացնում է տեսչական մարմինը:

Մասնագիտական խմբերը դիտարկել են Գառնու տաճարի և Քարերի սիմֆոնիա բնական հուշարձանի հարակից տարածքները, որոնք մարդաշատ չեն եղել։ Տոմսարկղում անկանոն հերթեր չեն գրանցվել, ջերմաչափման, ախտահանման աշխատանքները կատարվել են սահմանված նորմերին համապատասխան։

Արձանագրված սոցիալական հեռավորություն չպահպանելու, խմբերով շրջելու, դիմակը սխալ կրելու թերությունները վերացվել են տեղում։ Հակահամաճարակային անվտանգության կանոնների խախտման դեպքերը բացառելու նպատակով՝ Տեսչական մարմնի մասնագետներն իրականացրել են լայնածավալ իրազեկման աշխատանքներ, բաժանել դիմակներ։

Ցուցադրել ավելի
Back to top button
Close