Գեղարքունիքի մարզի Նորակերտ համայնքում մեկ ու կես ամսվա ընթացքում արձնագրվեց գայլերի հարձակման երկու դեպք: Մի ընտանիք գայելրի հարձակումից տուժել է 6-7 մլն դրամի չափով՝ կորցնելով 122 գլուխ գառ և ոչխար, մյուսը ՝ 13 գառ , մոտ 600 000 դրամի չափով: Հաշվարկն արել է գյուղապետարանը, արձանագրությունն ուղարկվել է մարզպետարան, այնուհետև՝ կառավարություն: Առաջիկա օրերին սպասում են համապատասխան որոշմանը:
Մելքոնյանների բազմանդամ ընտանիքը գայլի հասցրած վնասներն է հաշվում.
«Մեր գյուղապետը հաշվեց, ասաց 6-7 մլն դրամի վնաս է, ներկա պահին այդքան էր, որ մինչև աշուն պահեինք կդառնար 10 մլն-ի: Գառներ չենք ծախել, չենք խուզել, պանիր չենք ստացել, էտ հըմեն փող չի՞»:
Մոտ մեկ ու կես ամիս առաջ Գեղարքունիքի մարզի Նորակերտ գյուղում գայլերի ոհմակը հոշոտել է Հայկուշ Մելքոնյանի ընտանիքին պատկանող 120 գառը:
«122 գլուխ, հենց առավոտ շուտ դուռը բացել ենք, որ պետք է եթան չոլ , տեսնենք ինչ, սաղ փռվուկ, կոտորվուկ, մի հատ միս պիտանի չի եղել, ընենց էին խփել, որ ծանրախ ոչխարների փորի միջից գառները դուրս էին եկել»,- պատմում է Հայկուշ Մելքոնյանը:
Գյուղացին եկամուտը հաշվում է միայն աշնանը: Սակայն այս աշուն Մելքոնյանները չհասցրեցին եկամուտ հաշվել:
Ճակատագրի հեգնանքով ՝ մեկուկես ամիս անց՝ ընդամենն օրեր առաջ, գայլերի ոհմակը ներխուժեց Մելքոնյանի եղբոր՝ Արարարտ Մելքոնյանի անասնագոմը՝ հոշոտելով վերջինիս ամբողջ կարողությունը՝ 13 գառ: Արարատ Մելքոնյանն ասում է, թե չգիտի ինչ անի, ինչով ապրի, ինչով կերակրի բազմանդամ ընտանիքը.
«Այսօր յոթ շունչ ենք , շուտով կլինենք ութը,ե ս ինչո՞վ ապահովեմ իմ երեխեքին: 13 հատ գառ էր, էտքանն էլ տարել են: Բացի գյուղսովետից, ում կանչեցինք չեկան»,- դժգոհում է Արարատ Մելքոնյանը:
Հուսահատ գյուղացին չգիտի էլ ում դիմի, ասում է՝ չի բառացվում, որ նորից հարձակվեն, հիմա էլ մեկ ուրիշի ապրուստը գայլերի բաժին կառնա:
Գայլերի հարձակումը նոր չի սկսվել, ասում է բնապահպան Սիլվա Ադամյանը: Նրա խոսքով՝ թեև հարձակումներն ամենից շատ գրանցվում են գարնանն ու ձմռանը, սակայն, ընդհանուր առմամբ, հիմա խնդիրը սրված է և կենդանիները գոյատևման հարցն են լուծում.
ՍՍ «Հայաստանում իրավիճակը սրվել է կենդանիների ապրելատեղերի պատճառով, որովհետև այնտեղ որտեղ որս էին կատարում գայլերը և որտեղ փորձում էին բնակվել, այդ վայրերի մեծ մասում էկոհամակարգը քանդված է և կենդանիները կեր չգտնելով , չկարողանալով որս կատարել ստիպված գնում են այն տարածքները, գյուղերը, որտեղ հնարավոր է կերակրվել: Սա է խնդիրը, այլ ոչ թե գայլերի գլխաքանակի ավելացումը»:
Ամեն դեպքում, նախկինում անասունների կորստի նման զանգվածային դեպք Նորակերտի համայնքապետ Գերասիմ Սարգսյանկ չի հիշում։ Գյուղապետարանը կազմել է վնասների համապատասխան ակտը և այժմ սպասում է կառավարության որոշմանը:
«Գայլերի շատացումն է ,որ անասնագլխաքանակի նման կոտորում է եղել: Նաև ասեմ, որ դեպքի օրը գյուղապետարանի համապատասխան հանձնաժողովի կողմից կազմվել է ակտ, արձանագրություն և ուղարկվել է մարզպետարան, մարզպետարանն էլ ուղարկել է կառավարություն: Բայց դեռ ոչ մի պատասխան չենք ստացել կառավարությունից, թե ինչպիսի օգնություն պետք է տրվի տուժած գյուղացիներին»,- տեղեկացրեց համայնքապետը:
Գեղարքունիքի մարզպետարանի մամուլի բաժնից ճշտեցինք, որ արձանագրությունն ուղարկվել էր ՀՀ ԱԻՆ, էկոնոմիկայի նախարարություն և ստացել են պատասխան.
«Մարզպետարանին պատասխանել են, որ ընդունում ենք և Ձեր կողմից ուղարկված գրությունը կուղղվի ՀՀ կառավարություն։ Նույն պատասխանը տրվել է Նորակերտի համայնքապետանին։ Թե ինչ ընթացք կտա կառավարությունը՝ դեռ պարզ չէ»,- ասաց Գեղարքունիքի մարզպետարանի մամուլի խոսնակը:
Եթե լրացուցիչ ուսումնասիրություն չի պահանջվում, Կառավարությունը կարձագանքի հնգօրյա ժամկետում, տեղեկացրեցին մարզպետարանից: Այսինքն՝ առաջիկա օրերին կարող ենք սպասել կառավարության համապատասխան որոշմանը:
