Հայտնի բլոգեր Ալեքսանդր Լապշինը ֆեյսբուքի իր էջում գրառում է արել հայ զինվորականների կողմից ադրբեջանական Elbit Hermes 900 անօդաչուն խոցելու վերաբերյալ:
«Լրատվամիջոցներում տեղեկատվություն է հայտնվել, որ հայկական զինված ուժերը խոցել են իսրայելական արտադրության գերժամանակակից և շատ թանկարժեք (մինչև 30 միլիոն դոլար) Elbit Hermes 900 անօդաչուն: Սա լուրջ սարք է, որը կարող է ավելի քան 30 ժամ մնալ օդում, և սա հարվածային անօդաչու չէ: Այս սարքը զբաղվում է հետախուզմամբ, ռադիոկապի ընդհատմամբ, խափանումներ ստեղծելով հակառակորդի ավիացիայի և ցամաքային ուժերի համար: Սրանք արտադրվում են 2009թ.-ից և ընդգրկված են տասնյակ երկրների սպառազինության մեջ ու լավագույն արդյունք են ապահովել: Ադրբեջանը մոտ 10-ից 15 այսպիսի սարք ունի: Հիմա մեկով պակասեց:
Նման սարքեր մշտապես օգտագործվում են Սիրիայի, Իրաքի, Լիբանանի, Սուդանի, Աֆղանստանի ռազմական գործողություններում: Այս անօդաչուները վերահսկում են նաև ԱՄՆ-ի և Մեքսիկայի սահմանը՝ հետևելով թմրակարտելների գործողություններին, իսկ Կոլումբիայում և Բրազիլիայում դրանք վաղուց են օգտագործվում գրոհայինների և թմրավաճառների դեմ պայքարի համար: Բայց սա առաջին դեպքն է, որ նման մակարդակի սարքը ոչնչացվում է:
Այնպես որ՝ հայ զինվորականները կեցցեն»,- գրել է Լապշինը:
«Ես այս միջադեպի մասին հարցը տվեցի իմ ընկերոջը, որը երկար տարիներ աշխատել է այս և նման այլ անօդաչու թռչող սարքերի նախագծմամբ և արտադրությամբ իսրայելական Elbit Systems-ում։ Նրա կարծիքով՝ միայն կատարյալ հիմարներն ու ոչ պրոֆեսիոնալները կարող էին թույլ տալ խոցել բանակի այս «թռչող ուղեղը»: Տրամաբանական է: Դա նրանց համար Բուդաբեշտում քնած զինվորի կացնահարել և չորս հոգով Բաքվում բլոգեր խեղդել չէ»,- գրել է Լապշինը:
