Կենտրոնական ընտրական հանձնաժողովը մերժել է ԱԺ «Լուսավոր Հայաստան» խմբակցության պատգամավորական մանդատը վերականգնելու դիմումը:
«Լուսավոր Հայաստան» խմբակցության ղեկավար Էդմոն Մարուքյանը դիմել էր ԿԸՀ՝ պահանջելով վերադարձնել խմբակցության 18-րդ մանդատը, որպեսզի այդ կերպ վերականգնվի խորհրդարանի իշխանական և ընդդիմադիր պատգամավորների՝ սահմանադրական օրենքով նախատեսված հարաբերակցությունը:
2018-ի խորհրդարանական ընտրությունների արդյունքում ԼՀԿ-ն 18 մանդատ էր ստացել, սակայն ավելի ուշ պատգամավոր Արման Բաբաջանյանը դուրս էր եկել խմբակցությունից՝ դառնալով անկախ պատգամավոր: