Հուլիսի մեկից Հայաստանում պարտադիր է սպանդանոցային մորթը։ Սննդի անվտանգության տեսչական մարմնի ստուգումները ցույց են տալիս, որ մարզերը հիմնականում պատրաստ են։
«Կա գործող 48 սպանդանոց եւ 16 հայտ։ Մասնագետների հաշվարկով՝ 80 սպանդանոցը բավական է հանրապետության պահանջարկը բավարարելու համար»։ «Ռադիոլուրի հյուրասրահ»-ում ասել է ՍԱՏՄ ղեկավարի տեղակալ Արթուր Շատվորյանը և հավելել, որ գործում է նաև շարժական երկու սպանդանոց՝ դժվար հասանելի վայրերի համար։
Սպանդանոցներ ունենալու պահանջն ի հայտ է բերել մեկ այլ խնդիր՝ ՀՀ–ում, անասնաբուժների քանակը բավարար չէ, մասնագետները 60 տարեկանից բարձր են։ Հանրապետությունում անասնաբույժների կարիք կա՝ ասել է Շատվորյանը և շրջանավարտներին ու դիմորդներին կոչ արել չանտեսել այս մասնագիտությունը․ շուտով այդ մասնագետների պահանջարկն ավելի է մեծանալու։
Մեծ միջոցառումների համար՝ մեծ պատիժներ
Սննդի անվտանգության տեսչական մարմինը արտակարգ դրություն հայտարարումից մինչև այսօր ստուգումներ է իրականացրել շուրջ 15 հազար կազմակերպություններում, կազմվել է 15 հազար արձանագրություն, շուրջ երկու տասնյակը՝ ասել է ՍԱՏՄ ղեկավարի տեղակալը։
Ըստ նրա՝ հանրային սննդի օբյեկտներում ամենահաճախը խախտվում են հաճախորդներին ջերմաչափելու և սոցիալական հեռավորություն պահպանելու, առեւտրի կենտրոններում՝ դիմակներ կրելու և ախտահանիչ միջոցներ ունենալու պահանջները։ Այս ընթացքում կառույցի աշխատակիցները շուրջ 2 տասնյակ մեծ միջոցառումներ են արձանագրվել ՝ խնջույքներ, հարսանիքներ։ Շատվորյանը կարծում է, որ այդ դեպքերի համար պետք է խստացնել պատժամիջոցները ։