«Այս մասնագիտությունը գիտություն է, արվեստ և մշակույթ»,-սոցիոլոգիական գիտությունների թեկնածու Միրա Անտոնյան:․
Ընդունվելով Մայր բուհի քիմիայի Ֆակուլտետ, մեկ տարի անց նա հասկացավ, որ այդ ուղին իրենը չի, նրա հայացքն ուղղված էր դեպի սոցիալական ոլորտը և առհասարակ նրան միշտ ուղեկցել են մարդիկ, ովքեր կարևոր դերակատարում են ունեցել մասնագիտական կողմնորոշման հարցում:
Գրանցելով բազմաթիվ հաջողության «նոտաներ», այսօր նա ծավալում է ակտիվ դասախոսական և հասարակական գործունեություն, լինելով ԵՊՀ սոցիոլոգիայի ֆակուլտետի Սոցիալական աշխատանքի և սոցիալական տեխնոլոգիաների ամբիոնի դոցենտ, գլխավորում է ՀՕՖ «Երեխաների աջակցության կենտրոն» հիմնադրամը, նաև Հայաստանի սոցիալական աշխատողների ասոցիացիայի նախագահն է:
