Վիլյամ Սարոյանի ու Էդուարդ Միրզոյանի երկխոսությունը կոմպոզիտորների միությունում գրողի հետ 1976 թվականին կայացած հանդիպումից, կամ, օրինակ, «Տերն ու ծառան» ֆիլիմի երաժշտությունը՝ բնօրինակ տարբերակով, բացառիկ հարյուրավոր ձայնագրություններ, որոնք տասնամյակներ շարունակ «ապաստանել» են Հայաստանի կոմպոզիտորների միության վերնահարկում, նոր կյանք են ստանում Հանրային ռադիոյի ձայնադարանում։
Միության նախագահ Արամ Սաթյանի առաջարկությամբ` Հանրային ռադիոն իրականացնում է կոմպոզիտորների միության արխիվի թվայնացումը։
