Սփյուռքի ձայնը

Թուրք քաղաքական վտարանդի Ֆեթուլլահ Գյուլենի Հայոց ցեասպանության ճանաչման մասին նամակը տարաբույթ արձագանքների ալիք է բարձրացրել․ «Սփյուռքի ձայնը»

Թուրքիայի իշխող կուսակության պատգամավոր Հուսեյն Յայմանն այցելել է հայկական վերջին գյուղ՝ Վագֆ, որտեղ կառուցվել է Մուսալեռ թանգարանը:

Ատոմ Էգոյանի «Արարատ» ֆիլմը Թուրքիայում արգելված ֆիմերի ցանկում է:

Հայ որբերի օժանդակության ընկերությունը մայիսի 31-ին անցկացնելու է դրամահավաք՝ կորովիրուսից տուժածներին օգնելու համար:

«Գալուստ Գյուլբենկյան» հիմնադրամը 30 հազար դոլար է հատկացրել լիբանանահայ երեք կազմակերպություներին՝ մարդասիրական օգնություն իրականացնելու համար:

Նախորդ շաբաթ թուրքական իշխանամետ թերթերից մեկը հրատարակել է թուրք գրող, նախկին իմամ և քարոզիչ, իսլամական հասարակական գործիչ Ֆեթուլլահ Գյուլենի գրությունը, որտեղ նա ճանաչում է Հայոց ցեղասպանությունը:

Գյուլենը համարվում է «Հիզմեթ» շարժման ստեղծողն ու նախաձեռնողը; Ներկայումս նա ապրում է ԱՄՆ-ի Փենսիլվանիա նահանգի Սեյլորսբուրգ քաղաքում։

Քաղաքական վտարանդի է: Գյուլենը 2008 թվականին դարձել է աշխարհի ամենաազդեցիկ մտավորականը՝ համաձայն Prospect և Foreign Policy ամսագրերի: 2013 թվականին նա ներառվել է «աշխարհի 100 ամենաազդեցիկ մարդկանց շարքը» ըստ Time ամսագրի:

Նամակի հրատարակումից հետո թուրքական տարբեր շրջանակների վերաբերմունքին է անդրադառնում «Կալիֆոռնիա կուրիեր» թերթի խմբագիր Հարութ Սասունյանը:

Ավստրալիայում կորանավիրուսի առաջացրած դժվարությունները, պետության տրամադրած լուրջ աջակցություններն ու բնակչության շրջանում տիրող մթնոլորտը. Զրույց ավստրալաբնակ Զոհրաբ Բոյաջյանի հետ:

Back to top button