«Եթե անգամ դեռեւս չկա ապացուցված փաստ եւ վերջնական որոշում, որ դիմակ կրելը պաշտպանում է կամ չի պաշտպանում կորանվիրուսից, պետք է կրել։ Մեկ փաստ անժխտելի է՝ վարակակիրը չի վարակում դիմացինին։ Դա գոնե ապացուցվում է մասնավոր դեպքերը վերլուծելու պարագայում»,- «Մտքերի խաչմերուկ» հաղորդման ժամանակ ասել է Բակուր Մելքոնյանը։
Ինչո՞ւ ենք մենք ընդդիմանում դիմակ կրելուն՝ տարբեր պատճառներ փնտրելով։ Ըստ Մելքոնյանի՝ տարիներ շարունակ անվստահություն է ձեւավորվել իշխանությունների նկատմամբ, եւ այսօր, չնայած իշխանությունը նման խնդիր չունի, բայց կա ներքին չհիմնավորված համոզմունք, որ դիմակը պարտադիր դարձնելու պարետատան որոշումը բիզնես անելու միջոց է։
«Առողջությունը ստորադասվում է տարիներով կուտակված վախերին»,- կարծում է գործարարը։ Բակուր Մելքոնյանը կարեւորել է հասարակական գիտակցության բարձրացումը առհասարակ` անկախ դիմակ կրել- չկրելուն խնդրից։
Հասարակական գիտակցությունը դրսեւորել
- հրաժարվելով հանրակացարանային մտածողությունից,
- դասեր քաղել պատմությունից՝ վեր դասելով պետականությունը,
- ուշադիր լինել ցանկացած մանրունքի նկատմամբ (ծխախոտի մնացորդի տեղը աղբամանում է),
- հանրային վայրերին վերաբերել սեփական տան ու գույքի նման