«Ռադիոլուրի հյուրասրահում» ՀՀ ՊՆ զորակոչային ու զորահավաքային համալրման ծառայության պետ, գնդապետ Արմեն Ավթանդիլյան է։ Թեման 2020-ի ամառային զորակոչն է։
Մայիսի 1- ից սկսվել են զորակոչի նախապատրաստական աշխատանքները։ Համավարակով պայմանավորված` սահմանփակումների պահանջներ են դրված։
Վիճակահանությանը ծնողները հետևելու են ոչ թե Կենտրոնական հավաքակայանից, այլ տեղամասի զինկոմիսարիատներից։ Հավաքակայան ծնողների մուտքը արգելվելու է։
Հնարավորինս նվազեցվելու է զորակոչիկների և զորակոչը սպասարկող անձնակազմի միջև շփումը: Զորակոչը կավարտվի օգոստոսի 31-ին։