ԿարևորՀասարակություն

Մայիսի 18-ից Երևանի կենդանաբանական այգին կվերսկսի իր աշխատանքը

Երևանի կենդանաբանական այգին իր ֆեյսբուքյան էջում տեղեկացնում է, որ իր գործունեությունը կվերսկսվի մայիսի 18-ից:

Արտակարգ դրության սահմանափակումներով պայմանավորված՝ կենդանաբանական այգի անձանց մուտքը թույլատրվելու է բացառապես անհատական պաշտպանության միջոցներով՝ դիմակով և ձեռնոցներով։

Մուտքի մոտ առկա կլինեն բավարար թվով ալկոհոլային հիմքով ձեռքերի ախտահանիչներ։

Կիրականացվի տարածք մուտք գործող անձանց ջերմաչափում։
Ելնելով անվտանգության նկատառումներից՝ կլինեն նաև սահմանափակումներ այգու ներսում։ Մասնավորապես՝

Արգելվում է կերակրել կենդանիներին:

Արգելվում է ձեռք տալ երկաթյա մակերեսներին։

Այգում անհրաժեշտ է պահպանել սոցիալական հեռավորությունը․ կլինեն վերահսկող պատասխանատուներ։

Այգու տարածքում կվերահսկվի այցելուների քանակը։

Երևանի կենդանաբանական այգին կգործի ամեն օր՝ ժամը 11։00-ից 19։00-ը։
Այգու ամբողջ տարածքում օրը 2 անգամ իրականացվում են ախտահանման աշխատանքներ։

Back to top button