ԿարևորՄշակույթ

Լճաշեն հնավայրի Բերդկունք ամրոցի տարածքը արգելոցի կվերածվի

ՀՀ ԿԳՄՍ Նախարարության Պահպանության Ծառայություն ՊՈԱԿ նախաձեռնությամբ իրականացվում են աշխատանքններ Գեղարքունիքի մարզի Լճաշեն հնավայրի Բերդկունք ամրոցի տարածքը արգելոցի վերածելու, ինչպես նաև ամրոցի ամրակայման և նորոգման հնարավորության գնահատման ուղղությամբ։

ՊՈԱԿ-ի մասնագետների կողմից քննարկումններ են ընթանում հուշարձանը ներառող տարածքում բարեկարգման աշխատանքներ ծավալելու ընթացակարգի և հեռանկարների մասին։

«Հարկ ենք համարում մեր քաղաքացիներին հիշեցնել, որ հուշարձաններ ներառող տարածքներում շինարարական, գյուղատնտեսական և այլ կարգի աշխատանքների համար հողի հատկացումները, կառուցապատման, ինժեներատրանսպորտային հաղորդակցության ուղիների նախագծերը սահմանված կարգով պետք է համաձայնեցվեն լիազորված մարմնի հետ:

Հուշարձաններին կամ դրանց պահպանական գոտիներին վնաս պատճառած իրավաբանական և ֆիզիկական անձինք պարտավոր են վերականգնել դրանց նախկին վիճակը, իսկ վերականգնելու անհնարինության դեպքում հատուցել պատճառած վնասները` Հայաստանի Հանրապետության օրենսդրությամբ սահմանված կարգով»,- ասվում է ՊՈԱԿ-ի ֆեյսբուքյան էջում:

Back to top button