Հայ գիտնականները կորոնավիրուսի ախտորոշիչ թեստեր կարտադրեն․ «Մտքի ուժը»

Կորոնավիրուսն ամրապնդեց գիտություն-տնտեսություն կապը։ Ավելին, վերջին տարիներին թերևս առաջին անգամ կառավարությունն ընդառաջ գնաց և 550 հազար դոլար տրամադրեց գիտահետազոտական ինստիտուտին՝ Հայաստանում ախտորոշիչ թեստեր արտադրելու համար։

Աշխարհում հումքի ու նյութերի արտադրության պակաս չկա, սակայն, ախտորոշիչ թեստերի դեֆիցիտ կա։ Յուրաքանչյուր երկիր փորձում է լուծել ներքին պահանջարկի խնդիրը։

Մոլեկուլային կենսաբանության ինստիտուտն էլ որոշեց, ինչպես մնացած դեպքերում, այս հարցում էլ քայլել համաշխարհային շուկային համընթաց։