ԿարևորՀասարակություն

Արտուշ պապին գիշերը ժամը 2–ին թույլ տվեցին բարձրանալ Ծիծեռնակաբերդ


Ապրիլի 24–ի լույս 25–ի գիշերը, մոտավորապես ժամը 2։00–ին, 82–ամյա Արտուշ պապը ոստիկանի ուղեկցությամբ բարձրացավ Ծիծեռնակաբերդի բարձունք և վերջապես ծաղիկներ խոնարհեց Ցեղասպանության զոհերի հիշատակին։

82–ամյա պապն այսօր առավոտյան ծաղիկները ձեռքին, անտեղյակ սահմանափակումներից` գնացել էր Ծիծեռնակաբերդ, որպեսզի ամեն տարվա նման բարձրանա հուշահամալիր ու հարգանքի տուրք մատուցի Ցեղասպանության նահատակների հիշատակին, բայց նրան ոստիկաններն այդպես էլ թույլ չտվեցին վերև բարձրանալ։

Արտուշ պապն ասել էր, որ ինչ գնով էլ լինի, պետք է բարձրանա հուշահամալիր ու իր պարտքը կատարի։ Ծաղիկները ձեռքին պապիկի լուսանկարը տարածվել էր համացանցում, նա գերել էր օգտատերերի սրտերը, որոնք քննադատում էին ոստիկանությանը՝ նկատելով, որ տարեց քաղաքացու համար կարելի էր բացառություն անել։

Արտուշ Միրզոյանը խորհրդային տարիներից ոչ մի ապրիլի 24 բաց չէր թողել։

Ավելի վաղ վարչապետ Նիկոլ Փաշինյանի տիկին Աննա Հակոբյանը ֆեյսբուքյան էջում գրել էր.

«Քիչ անց՝ մեր բոլորի սրտերը գերած Պապիկին, վարչապետի հանձնարարությամբ, պետական մակարդակով կուղեկցեն Ծիծեռնակաբերդի հուշահամալիր, եւ նա վերջապես իր ծաղիկները կխոնարհի Հայոց Ցեղասպանության զոհերի հիշատակին»։

Back to top button