ԿարևորՀասարակություն

105 տարի ետք ի՞նչ պահանջել Թուրքիայէն․ միջազգային իրաւունքի տոքթոր Սուրէն Սերայտարեան

Հայոց Ցեղասպանութեան  նախօրեակին Մեր հիւրը ՝ տոքթ․ Սուրէն  Սերայտարեան՝ Փարիզի մէջ արձանագրուած   Արևմտահայոց Ազգային համագումարի  նախագահ, տեսակապի միջոցով Հանրային Ռատիոյին յայտնեց , որ Արևմտահայոց Ազգային համագումարը երկու թղթածրար պատրաստած է ներկայացնելու թրքական դատարանին։ Հիմնական են, որ նախ հարկ է բանալ բոլոր արխիւները և քատասթրները, երկրորդ՝ լքեալ գոյքերու օրէնքները ըստ հայկական կողմին չեն համապատասխաներ թուրքիոյ սահմանադրութեանց։

 Անոնք կը գործակցին թուրք իրաւաբաններու հետ և երբէք դժուարութիւն չունին թուրք գործիչներու հետ աշխատելէ։

Կը յիշեմ  և կը պահանջեմ․

Միջազգային իրաւունքի տոքթոր Սերայտարեան նշեց․ պահանջելու համար միայն դատական և քաղաքական ճամբան կայ , պրն Մնացականեանն ալ կը պնդէ որ․

Ամէնէն կարևորը Թուրքիոյ կողմէն ճանաչումն է, ինչպէս որ ժամանակին Գերմանիան ընդունեց հրէական հոլոքոսթը։

«Ինչ որ կորսնսուցած ենք Արևմտաեան Հայաստանի մէջ անոր պատաախանատուն արևմտահայերն են։ Ինչ որ կորսնցուցած ենք Կիլիկիոյ մէջ հիմակուան Հայաստանի հանրապետութեան  չէր պատկաներ այդ հողերը»,- կ՛ըսէ տոքթ․ Սերայտարեան։

Հայկական կազմակերպութիւնները բոլորը պէտք է աշխատակցին կազմակերպուած ձևով պէտք է Հայաստանի ցեղասպանութեան ինստիտուտին միջոցով համագործակցին ։

  Անոր կարծիքով կառավարութիւններ կը փոխուին սահմաններն ալ կը փոխուին , այսօր օրինակ Օսմանեան կայսրութիւն չկայ , Խորհրդային միութիւն չկայ․․։ Թրքական հանրապետութիւնը հիմնուած է հայկական Ցեղասպանութեան վրայ։ Սպասելի չէ որ այսօրուան Թուրքիոյ նախագահը ընդունի Հայոց Ցեսասպանութիւնը։

Սկզբնական առաջարկը այն է թէ,  քանի որ թրքական կառավարութիւնը ընդունած է,  որ քաղաքական որոշում եղած է հայերը տեղափոխելու, բնակչութիւնը այն երկրին որ բնակած են  է 2-3 հազար տարի այդ հողերուն վրայ, հետևաբար  ասոր վրայ պէտք է հիմուիլ  նոյն ատեն պահանջել  քատաստրները ։

Պահանջել ներկայ վիճակին մէջ մշակութային կոթողներու պահպանումը ասոնք սկզբնական պահանջներն են՛ որ պէտք է ըլլան՝ ըստ տոքթ․ Սերայտարեանի։

Ապրիլ 24-ը միշտ ալ առանձնայատուկ եղած է բոլոր հայերուն համար, բայց այս տարի անիկա յատկապէս ուշագրաւ է, քանի որ կը լրանայ Հայոց Ցեղասպանութեան 105-րդ տարելիցը։

Տոքթ Սուրէն  Սերայտարեան Փարիզի մէջ արձանագրուած   Արևմտահայոց Ազգային համագումարի  նախագահն է 2011-թուականէն: Համագումարը կ՛անդրադառնայ Օսմանեան կայսրութեան հայութեան սերունդներու իրաւունքներուն և պահանջքներու

Ան  միացած է ՄԱԿ-ի արդիւնաբերական զարգացման կազմակերպութեան 1969 թուականին և ծառայած է մարդկային ռեսուրսներու կառավարման բաժնին մէջ  և դարձած է անոր տնօրէնը 1991 թուականին, ապա  որպէս Ժնևի մէջ UNIDO- ի տնօրէն: 1993 թուականին ան անդամակցած է Միաւորուած ազգերու կազմակերպութեան խաղաղութեան պահպանման գործողություններու վարչութեան Նիւ Եորքի մէջ և մինչև 2004 թ. Ծառայած է Հայիթիի, Հարաւային Ափրիկէյի, Քըրուաթիոյ, Պոսնիայի , Աֆղանստանի և Լիպերիոյ   շարք մը խաղաղութեան հաստատման գործողութիւններուն մէջ:

Թոշակի անցած է որպէս ՄԱԿ-ի Գլխաւոր քարտուղարի օգնական: Ապա  որպէս ՄԱԿ-ի խորհրդատու, ան  առաքելութիւններ կատարած է Սուտանի, Հայիթիի և Նորվեկիոյ մէջ: Անոր հիմնական յանձնարարականները վերաբերած են  կառավարման հարցերուն, Օրէնքի գերակայութեան, միջազգային քրէական արդարադատութեան, մարդու իրաւունքներուն, ընտրութիւններու, ոստիկանութեան և քաղաքացիական գործերու:

Տոքթոր Սուրէն ծնած  է Սուրիոյ Հալէպ քաղաքը , Ֆրանսայի քաղաքացի է  և կ՛ապրի Աւստրիոյ մէջ։ Ան միջազգային իրաւունքի տոքթական կոչումն ունի Վիեննայի համալսարանէն և դիւանագիտական ակադեմիայի տիպլոմ։

Back to top button