Ինչպե՞ս են կորոնավիրուսին դիմակայում Հայաստանի հարևան երեք պետություններում։ Ինչո՞վ են իրավիճակները նման և տարբեր Թեհրանում, Թբիլիսիում , Ստամբուլում և Երևանում, ինչո՞ւ են վարակակիրները շատ Իրանում, քիչ՝ Վրաստանում, ինչպե՞ս վարակը կտրուկ աճեց Թուրքիայում և ի՞նչ է կատարվում Վանում, Մուշում, Էրզրումում։
«Ռադիոլուրի հյուրասրահ»–ում ուղիղ տեսակապով մանրամասնել են Թեհրանի համալսարանի հայոց լեզվի և գրականության ամբիոնի վարիչ Անդրանիկ Սիմոնյանը, Տիգրանակերտից ընտրված պատգամավոր Սևան Դեյիրմենճյանը և Վրաստանի խորհրդարանի նախկին պատգամավոր Վան Բայբուրդյանը։