Կորոնավիրուսի պատճառով «Եվրատեսիլ 2020» երգի միջազգային մրցույթի չեղարկումից հետո կազմակերպիչները որոշել են այն անցկացնել օնլայն համերգի տարբերակով։ Ինչպես տեղեկացնում է միջազգային մրցույթի պաշտոնական կայքը, օնլայն համերգը կկայանա մայիսի 16-ին և կտևի շուրջ 2 ժամ:
Ոչ մրցութային օնլայն-ռեժիմով համերգին ելույթ կունենան ինչպես 2020 թվականի, այնպես էլ նախորդ տարիների լավագույն մասնակիցները:
Համերգը կհեռարձակվի Եվրատեսիլի YouTube-ի պաշտոնական ալիքով: Երգի մրցույթը պետք է կայանար Ռոտերդամում:
«Մենք ուզում ենք միավորել Եվրոպան հեռուստատեսային յուրահատուկ այս թողարկմամբ: Կոչ ենք անում հեռարձակող ընկերություններին և մյուս երկրներին ցուցադրել այն՝ միասնության և միավորման ոգով»,- գրել են կազմակերպիչները:
«Եվրատեսիլ 2020» երգի միջազգային մրցույթը չեղարկվեց կորոնավիրուսի համավարակի պատճառով։
