Հանրային ռադիոյի «Երաժշտական առավոտ» հաղորդումն այսօր եթեր է հեռարձակվել անսովոր ֆորմատով:
Խախտելով շաբաթօրյա ավանդույթը՝ հաղորդավարներ Լուսինե Մուրադյանը և Տիգրան Հարությունյանը կատարողներին ոչ թե 6-րդ ստուդիայում են հյուրընկալել, այլ միացել են նրանց տեսակապի միջոցով:
Հաշվի առնելով տեղաշարժի սահմանափակումները ամբողջ հանրապետությունում՝ հաղորդման հյուրեր Սևակ Մուսախանյանը, Ալեքսանդր Գաբրիելյանը և Եվա Ոսկանյանը իրենց կատարումներով հանդես են եկել հենց իրենց բնակարաններից։