Թատրոնի միջազգային օրվա առթիվ «Ռադիոլուրի» հյուրասրահում Պետական կամերային երաժշտական թատրոնի տնօրեն Հռիփսիմե Առաքելյանն է։ Թատրոնը նախաձեռնել էր չորս առաջնախաղ, որոնք արտակարգ դրության պայմաններում մնացին անավարտ։ Հռիփսիմե Առաքելյանը, սակայն, բացել է մի ներկայացման փակագծերը։
Ռեժիսոր Նունե Աբրահամյանի բեմադրությամբ` ապրիլի 22-ին եւ 23-ին պետք է տեղի ունենար «Փրկության հրեշտակը» ներկայացումը ` նվիրված Հայոց ցեղասպանության 105-րդ տարելիցին:
Այս ներկայացման պիեսը գրվել է իրական փաստերի հիման վրա։ «Ցեղասպանության տարիներին հայ ժողովրդի փրկության համար նահատակված Հովհաննես Էսքիջյանի պատմությունն է։ Մի մարդ, որը կարողացել է յուրաքանչյուր երեխայի համար 1 ոսկի վճարել թուրք ասկյարին` փրկելով հազարավոր երեխաների»։
Իսկ Հայաստանում արտակարգ դրության օրերին առցանց հարթակով թատրոնի ֆեյսբուքյան էջում ցուցադրված ՀՀ վաստակավոր արտիստ Դավիթ Հակոբյանի բեմադրած «Անուշ» ներկայացումը 1,5 օրվա ընթացքում 46 հազար դիտում է ունեցել: