ԿարևորՀասարակություն

Լearning zone․ հեռավար ուսուցման նոր հարթակ Սիլիքոնեան հովիտէն

Բացառիկ հարցազրոյցի հիւրը Հայկական հեռավար համալսարանի հիմնադիր նախագահ, Հայկական Բարեգործական Ընդհանուր միութեան կեդրոնական վարչութեան անդամ տոքթ․ Երվանդ Զօրեանն է։ Մենք հեռախօսով կապ պահեցինք Քալիֆորնիա, Սիլիքոնեան հովիտ։

Հայաստանի Կրթութեան գիտութեան և մշակոյթի նախարար Արայիկ Յարութիւնեանին հետ պայմանաւորուածութիւն ձեռք բերուած է  AVC-ի հետ առցանց ուսուցողական ծրագիրի մը սկսելու. «Կը փորձենք առաւելագոյնը հայթայթել մեր պատրաստած զանազան նիւթերով», – ըսաւ տոքթ․ Երվանդ։

Մեր հիւրը յայտնեց , որ Մարտ 26-ին կը սկսի գործել Լearning zone  յատուկ հարթակը՝ 4 շաբաթեայ ծրագիրով 8-88 տարեկան բոլոր հայերուն համար, Հայաստանի և սփիւռքի մէջ։ Ծրագիրը կը ներկայացնէ հայկական մեր ժառանգութիւնն ու մշակոյթը 7 լեզուներով՝ արևելահայերէն ու արևմտահայերէն,  անգլերէն ֆրանսերէն,  ռուսերէն, թրքերէն և սպաներէն։

Ծրագիրը  անվճար է,  կարելի կ’ըլլայ միանալ avc-agbu.org  կայքով։

AVC-ի յաջորդ ծրագիրը գարնանային եռամսեակի շրջանի հերթական ծրագիրն է , որ կը սկսի 2 շաբաթ ետք՝  լեզուի ուսուցման դասեր, ճարտարապետութեան, ճատրակի և այլազան դասեր։

Հայաստանի Բարձր արհեստագիտութեանց նախարարութեան հետ նոյնպէս պայմանաւորուածութիւն ձեռք բերած են, որպէսզի 45 անձ գործուղուի դէպի Սիլիքոնեան հովիտ այնտեղ ուսումնասիրելու  ծանօթանալու և այդ փորձը կիրառելու Հայաստանի մէջ․ մասնագէտներուն պիտի տրուի միջազգային տարածման առիթ ։

Տոքթ․ Զօրեան լուսաբանեց իրենց ծրագիրներու մասին, նաև շեշտեց , որ այս օրերու ֆիզիքական մեկուսացումը չի սահամնափակեր մեր միացումը մեր ցանկացած ծրագիրի։Ան յորդորեց մեր հայրենակիցներուն մնալ տան մէջ  խուսափելու համար corona ժահրի համավարակէն։

Back to top button