Պերճուհի Աւետեան գրող արձակագիր , Հալէպի Քարէն Եփփէ ճեմարանի շրջանաւարտ, վկայուած Հալէպի պետական ճարտարապետական համալսարանէն որպէս շինարար ճարտարագէտ։
Հրատարած է բազմաթիւ գիրքեր, ինչպէս «Կտակը» պատմուածքներու շարքը, «Միս Եփփէ Մայրիկը» անոր գործունէութիւնը Մարաշի և Հալէպի մէջ , «Բեմահարթակը», որ տպագրուած է Մեծի Տանն Կիլիկիոյ Գէորգ Մելիտինեցի մրցանակով ։
Ունի մանկապատանեկան շարք ՝ «Սփայտիկ», «Սփայտիկ և Արա», «Սոխակն ու Ծիածանը», «Սփայտիկ նոր հանգրուանի մէջ», հեղինակը յիշեց, որ վերջին երկու գրքոյկներուն մէջ Սուրիոյ պատերազմի անդրադարձը կայ։
2015-ին Պերճուհի Աւետեան իր մօր և քրոջ հետ կը տեղափոխուի Երևան և կ՛աշխատի թեքնոլինկվիսթիք կազմակերպութեան հետ՝ որպէս Երևանեան գրասենեակի գործավար։
Այս օրերուն գրած է «Ժահրիկը» պատմուածքը։ Թէ ինչո՞ւ այսպէս մեկնաբանեց։
«Երբ մարդիկ ներկայ իրականութեան մէջ ամենուրէք կը հնչեն պսակաւոր ժահրի մասին լուրեր, մտածեցի պատմուած մը պէտք է գրել փոքրիկներուն համար, քանի որ անել վիճակները պէտք է ներկայացուին զտումով և մաքրազերծումով ու այս մէկը մանկական մօտեցումով կ՛ըլլայ զուլալ ու բարի, երբ նոյնիսկ այդ վատ ժահրը անգամ տեղ մը բարիացնել պէտք էր»․– կ՛ըսէ գրողը։
Ան ըսաւ, որ թելադրելի է կարդալ մեր փոքրիկներուն համար այսպիսի ուսոցողական լաւատեսական , պարզ ու մատչելի պատմուածքներ։
Թեքնոլիքվիթիքս կազմակերպութիւնը Ամերիկայի մէջ հիմնած են խումբ մը երիտասարդներ, որոնք հետամուտ եղած են հայ գրականութիւնը տարածելու vlume հարթակի վրայ արևելահայերէն և արևմտահայերէն դասական գործերը : Այս օրերուն յարմար Պերճուհի Աւետեան կը թելադրէ Պարոնեան, Օտեան , Սևակ․ Չարենց և Թումանեան կարդալ ։
Vlume հարթակի էլեքտրոնային գիրքերու ընտրութիւնը դասական գրականութեան գիրքերէն է, «Ունինք նաև Նարեկը, որ հոգեպարար աղօթք է և թելադրելի է կարդալ մեր ունկնդիրներուն համար ։
Աշխատանքը 5 տարի է որ կը տարուի, բայց Vlume –ի հարթակին վրայ մօտ 2 տարի կ՛ընէ որ տեղադրուած են գիրքերը։
Այս օրերուն տան մէջ երախաները պահել բաւականին դժուար է, գրողը յորդորեց փոքրիկներուն խաղեր կազմակերպել, հեքիաթներ կարդալ և ձեռայիններ ընել, ըսաւ յարգարժան գրողն ու քաջարի կնոջ տիպարը, արձակագիր՝ Պերճուհի Աւետեան։
