«Ապրիլի 1–ից գազի սակագինը չի փոխվի»,– «Ռադիոլուրի հյուրասրահ»–ում ասել է Հանրային ծառայությունները կարգավորող հանձնաժողովի նախագահ Գարեգին Բաղրամյանը։ Նա տեղեկացրել է, որ հանձնաժողովը «Գազպրոմ Արմենիա» ընկերությունից սակագնի վերանայման հայտ չի ստացել, բայց և չի բացառել այդ հնարավորությունն առաջիկայում։
««Գազպրոմ Արմենիա» ընկերության ու ռուսական կողմի հետ քննարկումներն ամենօրյա ռեժիմով շարունակվում են»,– ասել է Բաղրամյանը՝ նշելով, որ պետության կողմից պարտքի կուտակում չկա։
Անդրադառնալով «Յուքոմ»–ի կողմից «Բիլայն»–ի բաժնետոմսերը գնելու մտադրությանը՝ Բաղրամյանը հայտնել է, որ հայտն ուսումնասիրության փուլում է։ «Հանձնաժողովն իր վերլուծությունն է անում՝ հասկանալու հնարավոր գործարքի դրական ու բացասական կողմերը։ Բավական երկար ու բարդ գործընթաց է»,– ասել է ՀԾԿՀ նախագահը։ Մատնանշելով միջազգային փորձը՝ Բաղրամյանը փոխանցել է հանձնաժողովի դիրքորոշումը․ ոլորտում պետք է գործի առնվազն երեք օպերատոր։
Գարեգին Բաղրամյանը նաև պարզաբանել է, թե ինչու է 10 մլն դրամով տուգանվել «Վեոլիա Ջուր» ընկերությունը։