Պետության դասական ձեւակերպումը բարդ է ու խճճված՝ ասում է «Ենոքավանի հանրապետություն» հաղորդաշարի հեղինակ Արտակ Չիբուխչյանը։ Իր քաղաքագետ ընկերոջից` գիտնական Գուրգեն Սիմոնյանից է խնդրել տալ պետության հասկանալի ձեւակերպումը։
«Պետությունը հասարակության կարեւորագույն քաղաքական համակարգ է, որի միջոցով ազգը ներկայանում է միջազգային հարաբերություններում»,- ընկերոջ խոսքերն է մեջբերում Չիբուխչյանը։
«Երբ իր կառուցվածքով, ձեւով ու քաղաքական համակարգով պետությունն այնպիսին չէ, ինչպիսին ցանկացել ենք ստեղծել, ուզենք թե չուզենք աստիճանաբար դասակարգային բաժանման ենք գնալու»,– ասում է Արտակ Չիբուխչյանը եւ հարցնում` դա՞ ենք ուզում։
