Նրա շիրիմին գրված է «Պաշտպան հայրենյաց»։ Հոգևորական լինելով, նա զենքը ձեռքին կռվում էր թշնամիների դեմ, իսկ կաթողիկոս դառնալուց հետո պայքարում էր տգիտության ու հայատյացության դեմ։ Նա Ներսես 5-րդ Աշտարակեցին էր` ամենայն Հայոց կաթողիկոսը, որին չընկճեցին ոչ Նիկոլայ առաջին ցարը, ոչ գեներալ Պասկևիչը, ոչ էլ ռուս-պարսկական պատերազմը։ Գերագույն երազանքը ինքնավար Հայաստանն էր։Այս տարի լրանում է Աշտարակեցու ծննդյան 250-ամյակը։
