Հունվարի 23-ին «Արամ Խաչատրյան» համերգասրահում Հանրային ռադիոն ներկայացրեց համերգային նոր ձևաչափ՝ համերգ-ռադիոհաղորդում:
Հենց համերգասրահի բեմից Հանրային ռադիոյի երաժշտական հաղորդումների գլխավոր խմբագիր Ալիսա Քալանթարյանը և «Երաժշտական եռանկյունի» հաղորդաշարի հեղինակ-վարող, կոմպոզիտոր Վահան Արծրունին հանրայինի Առաջին ծրագրի ուղիղ եթերում վարեցին «Կոմիտաս 150. հետգրություն» համերգ- ռադիոհաղորդումը։
Եթերում ռադիոլսողին և դահլիճում հավաքված հանդիսատեսին ներկայացվեցին նախորդ տարի Հանրային ռադիոյի ֆոնդային ձայնագրություններին մասնակցած 24 համույթների և կատարողների կոմիտասյան մեկնաբանությունները։
Ամիսներ առաջ Հանրային ռադիոն ներկայացրեց Կոմիտասի 150-ամյակին նվիրված հատուկ նախագիծ՝ եռասկավառակ ալբոմ, որում ընդգրկված է 150 րոպե ընդհանուր տևողությամբ 53 կատարում՝ ակադեմիական տարբերակներից մինչև ժամանակակից մշակումներ:
Կատարումները ձայնագրվել և մշակվել են Հանրային ռադիոյի նորաբաց «Ռադիո» ստուդիայում: Ներկայացվող համերգ-ռադիոհաղորդումը կոմիտասյան այդ նախագծի հետգրությունն է:
- Նախագծի ղեկավար՝ Շավարշ Վարդանյան
- Պրոդյուսեր՝ Էդգար Ամիրխանյան
- Եթերի հեռարձակման պատասխանատու՝ Նազենի Չորեքչյան
- Համակարգող՝ Արմինե Բազյան Ավագ
- Հնչյունային ռեժիսոր՝ Տիգրան Կուզիկյան
- Հնչյունային ռեժիսոր՝ Արթուր Խաչատրյան
- Ձայնային ինժեներ՝ Արտակ Ասիրյան
- Ադմինիստրատոր՝ Ալինա Սարգսյան
- Գլխավոր խորհրդատու՝ Վահան Արծրունի
- Ընտրող հանձնաժողով՝ Վահան Արծրունի, Ալիսա Քալանթարյան, Արթուր Իսպիրյան
- Հանրային ռադիոյի եթերի տեխնիկական պատասխանատուներ` Տիգրան Խանամիրյան, Խաչատուր Մարգարյան, Արմեն Հարությունյան, Մհեր Մարգարյան Նկարահանումը՝ Հանրային հեռուստաընկերության։