Հանրային Ռատիօ–ի կազմակերպութեամբ Կոմիտաս 150 համերգին Արամ Խաչատրեան դահլիճէն հնչեց «Կռունկ»–ը՝ կոմիտասի կենդանի ձայնի ընկերակցութեամբ։
«Կռունկ»–ն առինքնեց հանդիսատեսը, արժանացաւ հանդիստեսի գնահատանքին և բուռն ծափահարութիւններուն։ Մշակողը Հալէպի ծնունդ երաժիշտ երգահան Սարգիս Ադամեանն էր։ Ան պատմեց, որ Հալէպի մէջ փոքր տարիքէն հետևած է դաշնամուրային մասնաւոր դասընթացքներու, յաճախած է Հալէպի պետական երաժշտանոցը , մասնակցած է համերգներու, անդամ է Սուրիոյ Արուեստագէտներու միութեան, իսկ 2009–էն միացած է Սուրիոյ պետական հեռուստաընկերութեան՝ իբրև երաժիշտ և երգահան մինչև 2012 թուականը, երբ պատերազմի պատճառով տեղափոխուած է Հայաստան։
Հայրենիքի սէրը , հայրենիք հաստատուելու փափաքը խրախուսած են Սարգիսը , որ ան չի վարանի ընտրելու այն վայրը, որ պէտք է կայք հաստատէր ։
Ան կազմած է «Նուռ» նուագախումբը Երևանի մէջ, և անոնք շրջագայութիւններով հանդէս կու գան Եվրոպայի տարբեր քաղաքներուն մէջ։ Փետրուար 15–ին կը մեկնին Ֆրանսա, ապա Քուէյթ, յետոյ կրկին Ֆրանսայի Վալանս քաղաքը։
«Առաւօտուն, երբ կ՛արթննամ , կարծես նոր եկած ըլլամ Երևան, սուրճը ձեռքիս կը սիրեմ քալել Երևանի ճամբաներով և պուրակներով »․– կ՛ըսէ Սարգիս ։
Ան անդրադարձաւ հողի ոյժին , որ դարձած է Սարգիսի ստեղծագործութիւններու ներշնչման աղբիւր․ «Սուրիոյ մէջ ես կը ստեղծագործէի արևլեան ոճի Հալէպի նուրիրուած երաժշտութիւն , իսկ այստեղ հայկական երաժշտութիւն, այստեղ ստեղծագործական ազատութիւն կայ» ։
Սարգիս ձայնագրած է իր նոր մշակումները, Կոմիտասի «Հով Արէք»–ը և «Կռունկ»–ը, նաև կը ներկայացնէ նոր մշակմամբ «Մոկաց Միրզան»։
Ան Հայաստան հաստատուելով գոհ է և կը յորդորէ հալէպահայերը, որպէսզի գան ու հաստաուին հայրենիքի մէջ, ան շեշտեց․«Հայաստանը ապրելու համար հայուն լաւագոյն վայրն է»։
Սարգիս նկատել տուաւ , որ այսօր շատերը ունին ցանկութիւնը այստեղ տեղափոխուելու , հայրենիքի հանդէպ մեծ սէր կայ ։
Երաժիշտի հայեացքը սաւառնեց հեռուները ու ըսաւ․ «Գալիք օրերը մեր ժողովուրդի փայլուն ժամանակներն են»։
