ԿարևորՀասարակություն

Ադրբեջանին փռեցին ասֆալտին. Նաիրա Զոհրաբյան

ԵԽԽՎ–ում Հայաստանի պատվիրակության անդամ, ԲՀԿ խմբակցության ներկայացուցիչ Նաիրա Զոհրաբյանն իր ֆեյսբուքյան էջում գրում է.

«Ադրբեջանին փռեցին ասֆալտին

Ստրասբուրգում քննարկեցինք Ադրբեջանում քաղաքական բանտարկյալների թեմայով զեկույցն ու մեր հարեւան երկրին ԵԽԽՎ-ում փռեցին ասֆալտին։
Ադրբեջանցի Սամեդը մի լալահառաչ շոու կազմակերպեց, թե ինչ իրավունքով են հայ պատգամավորները ընդհանրապես խոսում եւ ո՞վ է Եվրոպայի խորհուրդը, որ քննարկի Ադրբեջանին։ Շոուն, սակայն, փառահեղորեն տապալվեց, Ադրբեջանին ուղղակիորեն փռեցին ասֆալտին, ծեփեցին պատերին՝ հիշելով խավիարից մինչեւ ադրբեջանական կոռուպցիոն լվացքատուն, վերջում էլ ձայների առավելագույն մեծամասնությամբ ընդունելով քաղբանտարկյալների մասով բանաձեւը։
Առաջին անգամ վերջին շատ երկար տարիների ընթացքում Ադրբեջանին չհաջողվեց տապալել քաղաքական բանտարկյալների թեմայով զեկույցը։ Ադրբեջանական խավիարը, գոնե այս պահին, Եվրոպայի խորհրդում դադարել է գործոն լինելուց։
Եւ դա փաստ է»։

ԵԽԽՎ-ն երեկ ձայների ճնշող մեծամասնությամբ ընդունել է Ադրբեջանում քաղբանտարկյալների մասին զեկույցը։

Տես նաև՝ Ադրբեջանին հիշեցրել են քաղբանտարկյալների մասին

Ցուցադրել ավելի
Back to top button