ԿարևորՀասարակություն

Տարեկան 30 միլիոն ծառ տնկելն այլևս ֆանտաստիկ չի թվա

Աճեցվել է շուրջ 250000 հատ փակ արմատային համակարգով տնկանյութ՝ 2020 թվականին օգտագործելու նպատակով:

«Փակ արմատային համակարգով տնկիների աճեցումը մոտակա տարիներին պետք է Հայաստանում դառնա համատարած։ Արդյունքում կապահովվի անտառվերականգնման աշխատանքների որակի զգալի բարելավում, իսկ տարեկան 30 միլիոն ծառ տնկելն այլևս ֆանտաստիկ չի թվա»,- ֆեյսբուքի իր էջին գրել է շրջակա միջավայրի փոխնախարար Վարդան Մելիքյանը՝ հղում անելով «Հայանտառ» ՊՈԱԿ-ի ֆեյսբուքյան էջին։

Անտառային կոմիտեի «Հայանտառ» ՊՈԱԿ-ի «Հրազդանի անտառտնտեսություն» մասնաճյուղում արդեն մի քանի տարի է աճեցվում է անտառային ծառատեսակների փակ արմատային համակարգով տնկանյութ:
2019 թվականի աշնանը կատարված անտառվերականգնման և անտառապատման աշխատանքների ընթացքում օգտագործվել է շուրջ 125000 հատ տարբեր տեսակի փակ արմատային համակարգով աճեցված բարձրորակ տնկանյութ: Բացի այդ, 2019թ. ընթացքում, 2020 թվականին օգտագործելու նպատակով, աճեցվել է շուրջ 250000 հատ փակ արմատային համակարգով տնկանյութ: Փակ արմատային համակարգով տնկանյութն օժտված է բարձր հարմարվողականությամբ և ապահովում է բարձր կպչողականություն:

Առաջիկայում նախատեսվում է ընդլայնել փակ արմատային համակարգով աճեցվող տնկանյութի ծավալները՝ հանրապետության տարբեր մարզերում հիմնելով ժամանակակից տնկարանային տնտեսություններ:
Ժամանակակից տնկարանային տնտեսությունը ստեղծվել է Պարենի և գյուղատնտեսության կազմակերպության ու Գերմանիայի միջազգային համագործակցության ընկերության աջակցությամբ՝ հետագայում ընդլայնվելով «Հայանտառ» ՊՈԱԿ-ի սեփական եկամուտների հաշվին:

Ցուցադրել ավելի
Back to top button