ԿարևորՄիջազգային

Արքայազն Հարին և Մեգանը կզրկվեն արքայական տիտղոսներից

Արքայազն Հարին և Մեգանը կզրկվեն իրենց արքայական տիտղոսներից եւ չեն ստանա պետական ​​ֆինանսավորում, ասված է  Բուքինգհեմյան պալատի տարածած հաղորդագրության մեջ։

«Հարրին, Մեգանն ու Արշին միշտ կլինեն իմ ընտանիքի շատ սիրված անդամները», — ասված է հայտարարությունում:

«Ես գիտակցում եմ այն ​​մարտահրավերները, որոնք նրանք զգացել են վերջին երկու տարիների ընթացքում և աջակցում եմ նրանց ավելի անկախ կյանքի ցանկությանը: Ուզում եմ շնորհակալություն հայտնել նրանց ՝ այս երկրում և նրա սահմաններից դուրս իրենց կատարած աշխատանքի համար։ Իմ ամբողջ ընտանիքի հույսն է, որ այսօրվա համաձայնագիրը թույլ է տալիս նրանց սկսել կառուցել երջանիկ և խաղաղ նոր կյանք»:

Նոր պայմանավորվածությունն ուժի մեջ կմտնի այս տարվա գարնանից:

Սասեքսի դուքսն ու դքսուհին ասել էին, որ մտադիր են ֆինանսապես անկախանալ, իրենց ժամանակի մի մասն անցկացնել Մեծ Բրիտանիայում, մյուսը մասը` Հյուսիսային Ամերիկայում։ Միևնույն ժամանակ նրանք հայտնել էին, որ կշարունակեն «լիովին սատարել Ձերդ գերազանցություն թագուհուն», ինչպես նաև համագործակցել իրենց ղեկավարած կազմակերպությունների հետ, զբաղվել բարեգործական նոր նախագծերով։

Արքայազն Հարրիի և Մեգան Մարքլի` թագավորական ընտանիքի անդամների լիազորությունները վայր դնելու մասին որոշումը, որը նրանք կայացրել էին առանց Բուքինգեմյան պալատի հետ համաձայնեցնելու, հիասթափեցրել էր Մեծ Բրիտանիայի թագուհի Եղիսաբեթ II–ին։

Ցուցադրել ավելի
Back to top button