ԿարևորՀասարակություն

Ռադիոլուրի լրագրողը՝ մրցանակակիր

ՀՀ բանկերի միությունն ու տնտեսական լրագրողների ակումբը  ֆինանսաբանկային թեմաներով լրագրողական նյութերի մրցույթ էր հայտարարել։

Ստացվել է 50 լրագրողական աշխատանք,  ոլորտի ներկայացուցիչներից կազմված հանձնաժողովն ընտրել է  չորս լավագույն հրապարակումները  Հայաստանի բանկային ու ֆինանսական համակարգի մասին։

«Լավագույն ռադիոռեպորտաժ» անվանակարգում հաղթող է ճանաչվել  «Ռադիոլուր»–ի  լրագրող Հասմիկ Դիլանյանի՝  «Մենաշնորհը՝ արժեթղթերի շուկային խոչընդոտ»  ռեպորտաժը։

Ոլորտի մասնագետներից և փորձագետներից կազմված ժյուրին գնահատել է լրագրողների կողմից մրցույթի շրջանակում 2019թ. ներկայացված ֆինանսաբանկային թեմաներով հեռարձակված տեսանյութերը, ռադիո հաղորդումները, տպագիր ու առցանց մամուլի հրապարակումները:

Բացի այդ, մրցույթում ընդգրկվել էին նաև գնահատող հանձնախմբի մշտադիտարկմամբ ընտրված այլ աշխատանքներ: Հաղթող ճանաչված աշխատանքները ժյուրիի կողմից գնահատվել են՝ կարևորելով մրցույթի թեմաներին համապատասխանությունը, անկողմնակալ և համակողմանի մասնագիտական վերլուծությունը:

Կարևորելով հանրության շրջանում ֆինանսական գրագիտության բարձրացմանը միտված նախաձեռնությունների անհրաժեշտությունը՝ Հայաստանի բանկերի միության նախագահ Մհեր Աբրահամյանն առանձնակի կարևորեց լրագրողական համայնքի դերն այս հարցում:

Մրցույթը կայացել է ՀԲՄ նախաձեռնությամբ իրականացվող «Ֆինանսական գրագիտություն և հմտություններ» խորագրով հանրային միջոցառումների ծրագրի շրջանակում:

Ցուցադրել ավելի
Back to top button