ԿարևորՀասարակություն

Պետութիւնը յաջողեցաւ, մենք կը յաջողինք․ Սիլվա Գանգրունի

Լիբանանահայ գրող Հրանդ Գանգրունիի դուստրն է հիւրս, ճարտարապետ և յայտնի ասմունքող՝ Սիլվա Գանգրունին, որ ժամանած է Պէյրութէն։

Նախ խօսեցանք Լիբանանի ներկայ տնտեսական և քաղաքական իրավիճակի մասին, դրամական անկման , երկրին մէջ իրարանցումի մասին, որ կը ստեղծէ ժողովուրդի անկայուն վիճակը։ Մարդիկ իրենց աշխատավարձերը չեն կրնար ստանալ ։

 Ժողովուրդը կ՛ուզէ փոխել պետական անձնակազմը , երկիրը այս վիճակէն հանելու համար մասնագիտացած ղեկավարներու պէտք ունի, այս բոլոր պատճառներով երիտասարդները՝  հայ թէ օտար կ՛ուզեն դուրս գալ Լիբանանէն։

Լիբանանի մէջ գտնուող սուրիացիներուն վիճակը շատ աւելի դժուար է, մեծ դժուարութիւններու մէջ են․ ըսաւ զրուցակիցս  ։

 Սիլվայի 2 զաւակներն ալ  եկած  են Հայաստան հաստատուելու միտումով ,բայց դեռ շատ մը հարցերու  հետ, դէմ հանդիման կը գտնուին  բնակարանի և գործի առնչութեամբ։

Լիբանանէն մեծ հոսք մը կայ այսօր,արտագաղթողներ,– «Հայաստանի պետութիւնը պէտք է օգտակար ըլլայ որքան կարելի է, կարենայ աջակցիլ այստեղ եկողներուն»։ Սիլվայի զաւակներն արդէն փոխադրուած են Հայաստան։

Սիլվան և իր ամուսինը նոյնպէս , Հրաչ Մուրատեան, ուսանած են Երևանի  ճարտարապետական համալսարանը, ապա վերադարձած են Լիբանան և Սուրիոյ Լաթաքիա քաղաքը։

Սիլվայի  և ամուսնոյն՝ Հրաչ Մուրատեանի  կատարած ճարտարապետական  մեծագոյն գործերէն գլխաւորը  կը համարուի, Լաթաքիոյ միակ միջին դարերէն Երուսաղէմի պատկան Սուրբ Աստուածածին  եկեղեցին վերանորոգումն է, նոր գաւիթող և նոր գմբէթով, ամբողջովին տաշելով ծեփուած պատերը վերականգնեցին եկեղեցին ու բերին այսօրուան տեսքին, որ հիանալի յուշարձան մըն է։  Սիլվա և ամուսինը ձեռք բերած էին լաւ անուն իրենց մասնագիտութեան մէջ։

Սիլվա կը խրախուսէ Միջին Արևելքի հայութիւնը, որպէսզի փոխադրուին Հայաստան, քան թէ երթան Եվրոպա կամ Գանատա , լեզուի առումով և մարդակային օգնութեան առումով այստեղ հայրենիքը աւելի դիւրին է։ «Իսկ այնտեղ օտարին համար միշտ ալ օտար ես»,– կ՛ըսէ Սիլվա։ Ան խօսեցաւ Արևմուտքի դժուարութիււներու մասին։        Սուրիացիք բաւական ընդելուզուած են Հայաստանի կեանքին ու կենցաղին, Ան մնայուն հետևող է Հայաստանեան լուրերուն , նորութիւններուն յատկապէս յետ յեղափոխութեան շրջանին։

 Հայաստանը շատ աւելի լաւ ձեռք կը մեկնէ եկողներուն, թէև  սպասելիքներ դեռ ունինք  նոր ղեկավարներէն , -ըսաւ Սիլվա։

Հայաստանի մէջ շատ մը ակնառու փոփոխութիւններ եղած են ըստ Սիլվայի, ինչպէս զինուորներուն բնակարան տրուիլը , բժշկական դիւրութիւնները, թոշակներու բարձրացումը, արտաքին կապերն ալ   Հայաստանի հետ բարելաւուած  է։ Ան յաջողութիւն մաղթեց Հայաստանի  պետութեան և ըսաւ ,–« Պետութիւնը  յաջողեցաւ, մենք  կը յաջողինք»։

Սիլվա հմայիչ կերպով ասմունքեց  հատուած մը, թէ ինչքան կամք պէտք է ունենանք, եզրափակելով մեր զրոյցը և մտքին մէջ ունենալով կրկին Հայաստան վերադարձը։

Ցուցադրել ավելի
Back to top button