ԿարևորՀասարակություն

Արմավիրի մարզում 75 ծրագիր՝ ոռոգման համակարգերի բարելավման համար

Արմավիրի մարզի գյուղատնտեսության ոլորտում ոռոգման համակարգերի բարելավման նպատակով ընթացիկ տարվա համար պետական բյուջեի միջոցներով և Եվրասիական զարգացման բանկի ֆինանսավորվամբ նախնական նախատեսված է իրականացնել 75 ծրագիր: Այս մասին տեղեկացնում է Արմավիրի մարզպետարանի ֆեյսբուքյան էջը:

Այդ թվում` Եվրասիական զարգացման բանկի ֆինանսավորվամբ իրականացվող Ոռոգման համակարգերի արդիականացման ծրագրի շրջանակում Արմավիրի մարզի 41 համայնքում կվերանորոգվի 91630 մ երկարությամբ ոռոգման ներտնտեսային ցանց` համայնքների 10-ը % համաֆինանսավորմամբ:

Պետական բյուջեի միջոցներով 11 համայնքում կհորատվի 18 և կվերանորոգվի 14 խորքային հոր (այս ուղղությամբ աշխատանքներն արդեն մեկնարկել են):

Կայուն ոռոգման համակարգեր ստեղծելու նպատակով Ակնալիճ և Արշալույս համայնքներում պետության աջակցությամբ կանցկացվի կաթիլային ոռոգում (գյուղացիական տնտեսությունները ձեռք կբերեն միայն իրենց հողատարածքի կաթիլային ոռոգման համար նախատեսվող ջրցան խողովակները):

2019 թվականին մարզի 9 համայնքում իրականացվել են ոռոգման համակարգերի բարելավման աշխատանքներ, ևս 4-ում էլ մասնավոր ընկերությունների կողմից կառուցվել են 777.2 հազար խմ ընդհանուր տարողությամբ ջրամբարներ:

Ցուցադրել ավելի
Back to top button