ԿարևորՄիջազգային

Իրանը հրթիռակոծել է Իրաքում տեղակայված ամերիկյան բազաները

Իսլամական հեղափոխության պահապանների կորպուսը հունվարի 8-ի գիշերն ուժեղ հրթիռային հարվածներ է հասցրել Իրաքի Ալ-Անբար նահանգում և Իրաքյան Քուրդիստանի Էրբիլի օդանավակայանի մոտ տեղակայված ամերիկյան բազաներին։

Պաշտոնական տեղեկատվության համաձայն՝ ամերիկյան բազաներին հարվածել են տասնյակ Երկիր-երկիր հրթիռներով։

Twitter-ի իր էջում Իրանի ԱԳ նախարար Ջավադ Զարիֆն այսօր գրել է, որ Իրանը չի ձգտում պատերազմի, բայց կպաշտպանվի ցանկացած ագրեսիայից։

Twitter-ում գրառում է արել նաև ԱՄՆ նախագահ Դոնալդ Թրամփը: Նա գրել է, որ հրթիռներն արձակվել են Իրանից Իրաքում երկու բազաների ուղղությամբ։ Այժմ գնահատվում է վնասի չափը եւ արդյոք կան տուժածներ։

«Բայց ամեն ինչ լավ է… Ես հայտարարությամբ հանդես կգամ առավոտյան»,-խոստացել է նա։

Ցուցադրել ավելի
Back to top button