ԿարևորՀասարակություն
Հիփոթեքային վարկավորմամբ 400 ընտանիք Արցախում բարելավել է իր բնակարանային պայմանները
ԱՀ կառավարությունը կարևորում է բանկերի կողմից հիփոթեքային վարկավորմամբ հանրապետության քաղաքացիների բնակարանային պայմանների բարելավման գործընթացը։ «Արցախպրես»-ի թղթակցի հաղորդմամբ՝ այս մասին տարեվերջյան ամփոփիչ մամուլի ասուլիսի ժամանակ ասել է ԱՀ պետական նախարար Գրիգորի Մարտիրոսյանը:
Նրա խոսքով՝ 2019 թ. ընթացքում հիփոթեքային վարկավորման պետական աջակցության ծրագրի շրջանակում մոտ 400 ընտանիք բարելավել է իր բնակարանային պայմանները, որոնցից 230-ը՝ նոր բնակարանի ձեռքբերմամբ։ 2019թ. տրամադրված հիփոթեքային վարկերի միջին կշռված տոկոսադրույքը կազմել է 14.2%:
Բնակարանային պայմանների բարելավման նպատակով Արցախի շրջաններում 387 ընտանիքի տրամադրվել է պետական ֆինանսական աջակցության, որից 46-ին տան գնման նպատակով, 72-ին կառուցման և 269-ին` վերանորոգման:
