Լիբանանհայերը մասնակցել են «Միասին ուրախացնենք մի հայ ընտանիքի» ռադիոտոնին, որի ընթացքում հանգանակված գումարը տրամադրվել է կարիքավորներին:
Լույս է տեսել Բարսեղ Կանչյանի «Երաժշտական երկերի ժողովածու» հատորները:
Հունգարական ռադիոյի հայկական հաղորդումների բաժնի պատրաստած հաղորդումը վերաբերում է վերջերս Հունգարիայի վարչապետ Վիկտոր Օրպանի հովանավորությամբ կազմակերպված «Քրիստոնյաների հետապնդումը» գիտաժողովին, որին այս տարի մասնակցում էր նաև Դամասկոսի հայոց թեմի առաջնորդ Գերաշնորհ Տեր Արմաշ եպիսկոպոս Նալբանդյանը: Սոսի Սուսանյանի հարցազրույցը նրա հետ:
Արդեն 20 և ավելի տարի Ֆրանսիայում գտնվող օպերային երգիչ Մուրադ Ամիրխանյանը Ամանորը նշելու հայկական թե ֆրանսիական տարբերակն է նախընտրում: Երգչի երազանքներից մեկը Լա Սկալայում երգելն է: Երազանքների, Հայաստան տեղափոխված դուստրերի ու առաջիկա տոնական համերգի մասին է զրույցը օպերային երգչի հետ:
