ԿարևորՀասարակություն

Ծառայողական էլեկտրամոբիլներ՝ ՀՀ կառավարության համար

ՀՀ կառավարությունը էլեկտրական շարժիչով ավտոմեքենաների օգտագործմանն անցում կկատարի մոտ ապագայում:

«Արմենպրես»-ի հետ զրույցում՝ այս մասին ասել է ՀՀ շրջակա միջավայրի նախարար Էրիկ Գրիգորյանը և հավելել, որ ծրագիրն իրականացվելու է բնապահպանական դրամաշնորհային գումարների շնորհիվ, որը տրամադրելու է Գլոբալ էկոլոգիական հիմնադրամը:

«Ծրագիրն այս տարվա վերջում արդեն իսկ պետք է իրագործվեր, եթե հասցնեինք բոլոր ընթացակարգերը, սակայն ինչ-ինչ փոփոխություններ տեղի ունեցան: Global electric mobility ծրագիրն ընթացքի մեջ է, այն իրականացնում են բազմաթիվ երկրներ և կան որոշները, որոնք գործընթացային առումով ետ են ընկել, հենց դա է պատճառը, որ մենք այս տարի չկարողացանք անցում կատարել էլեկտրական շարժիչով մեքենաների»,- նշել է Գրիգորյանը:  

Նրա խոսքով՝ Կառավարության անդամների համար նախատեսված էլեկտրական շարժիչով ծառայողական մեքենաների ծրագիրը հաստատված է, գումարը՝ նույնպես, ուղղակի ընթացակարգային առումով այն մի փորք ուշ կիրագործվի: Գրիգորյանը վստահեցրել է, որ իրենց գերատեսչությունը պայմանավորվածությունների իր մասը կատարել է:

«Ընդհանուր առմամբ ծրագիրը կազմում է մոտ 700 հազար դոլար, և դրա մի մասով կգնվեն մեքենաները, իսկ մյուս մասով՝ կարվեն օրենսդրական վերլուծություններ»,- ընդգծել է ՀՀ շրջակա միջավայրի նախարարը:

Հայաստանը Գլոբալ էկոլոգիական հիմնադրամ էր ուղակել ծրագիր, որով նախատեսվում է, որ կառավարությունը բնապահպանական դրամաշնորհային գումարների շնորհիվ անցում կկատարի էլեկտրական շարժիչով ավտոմեքենաների օգտագործման:

Ցուցադրել ավելի
Back to top button